Энэ өдрийн мэндийг эрхэм уншигч таньд хүргэе. Танаас асуух нэг асуулт байнам. Их сургууль ба замын түгжрэл холбоотой юу гэж ? Дотроо хариулж эхлэхээс тань өмнө хамтдаа жаахан тоо бодоод үзье!

Бодлого №1:

Хүн УБ-т 9 сараас эхлээд 6 сар хүртэл амьдардаг гээд бодъё: Бараг 300 -аад өдөр болно. Та замын бөглөрөлөөс болж өглөө 15, өдөр 30 харин орой 15 орчим минут алддаг. ингэхээр нэг өдөрт 1 цагыг замын түгжээнд хаа нэгтээ зогсож, хараал урсгаж, юм бодож, унтаж янз янзаар л өнгөрөөдөг байх. 300 өдөр маань 7200 цаг. өдөрт есөн цаг унтдаг бол 2700 цаг нь унтдаг цаг. 7200-2700=4500 цаг (энэ таны ажилдаа, хайртай хүндээ, өөртөө, гэр бүлдээ зориулдаг цаг) Энэ 4500 цагийг жаахан задлая.

1. амралт баяр ёслол (төрсөн өдрүүд, улс тунхагласаны баяр, шинэ жил, цагаан сар, март, цэргийн баяр, байгууллагын баяр, гэр бүлийн баяр гээд баяруудад) 300 орчим цаг
2. ажлын цаг 8 гэж бодвол хамгийн ихдээ 2400 цаг
3. гэр бүл, найз нөхөд болон өөртөө зориулдаг цаг магадгүй дунджаар 1500 цаг
4. замын түгжээнд алддаг цаг тань ........ хэд болох вэ ? 300 цаг шүү !

Баярлаж хөөрдөгтэйгээ ижил хэмжээний цаг хугацааг зүгээр л машины утаанд хордоод сууж байхдаа тавиад туучдаг байгаа биз! Энэний эдийн засгийн үнэлгээг хийвэл аймаар юм гарах байх ! Ядаж л сул зогсоод шатааж байгаа шатахуун түлш, энэ дутуу шатсан түлшнээс үүдэн урт хугацаандаа гарах эрүүл мэндийн асуудлууд, сул зогссон цагын үнэ гээд тооцвол аймаар !

Уг нь хүн болгон л бага түгжирмээр байгаа л даа, болж өгвөл. Гэтэл болохгүй юм л даа. Бид бүгдээрээ л мэднэ. Хотын зам нь нарийнхан, замын уулзваруудын гэрэл дохионы зохицуулга муу, чанаргүй курсуудээс гарсан жолоочгүй машинууд, явган хүнүүс хаа сайгүй урдуур хойгуур гүйгээд л, ядаж байхад нэг новш нь урдуур хойгуур дайраад гацаачихна. Сайхан даа сайхан.

Манайхан бүгд их мэдэгчид болохоороо яаж түгжрээг арилгахыг ер нь мэднэ л дээ, даанч арилгая гэхээр нөгөө л хөрөнгө мөнгө, цаг зав энэ тэр ерөөсөө л болж өгөхгүй юм. Уул хүн болгон татвараа төлөөд байгаа юм чинь Зам тээврийн яамныхан эрхбиш нөгөө гүүрэн замаа бариад, замаа өргөсгөөд тунел ухаад бүүр болохгүй метро тавиад шийдчих байх л даа !

Тэгтэл нэг өөр асуудал толгойноос салж өгөхгүй, бас хэл загатнуулаад байхын.

Манай их сургуулиуд. Наад зах нь дэлхийд хүлээн зөвшөөрөгдөж байгаа сургууль нь их цөөхөн ! Жагсаалтыг үзмээр байвал энд дараарай. НҮБ-ын боловсролын байгууллагаас гаргасан гэж байгаа.

Энэ хэдэн сургуульд хэдэн оюутан сурдаг бол? Нилээд их тоо гарна даа ! Болил доо, их сургуулиудаасаа хотын зах руугаа шилжүүлье. Ингэж хэллээ гээд намайг тэнэгээр минь дуудаад л. Хэрвээ би тэнэг бол, гадны их сургууль, оюутны хотхон нь хотын захдуу байрладаг хөгжилтэй орнуудын нөхдүүд бүгд л тэнэг болж таарнаа даа. Ер нь тэр хүмүүнлэгийн ухааны их сургууль, тэгээд тэр хавиар байгаа ТИС юм уу МИУС-ын аль нэгийг нь хотын зах руу, Амгалан руу ч юм уу газар өгөөд байр бариулаад гаргаач ээ. Тэгвэл хотын төв сайхан сэлүүхэн болоод явчихна шд. Тэгээд тэр хавиар нь нөгөө хэдэн оюутнууд байр сургууль нь ойр болчихоор , автобус унаа, машин хөсгөнд жихцэлдээд өглөө орой таныг замын түгжээнд хэдэн арван минутаар зогсоогоод байхаа болино.


Энэ их цөөхөн дугуй харагдаж байна, оюутнууд тэгээд л дугуй унаад эхлэнэ дээ. Хэн хэндээ амар, эрүүл мэндэд тустай.

Read More...

За эхний санаа. Нөгөө үхэл татвар хоёр зайлшгүй гэдэг шиг татварын газар орох ажил гарлаа шүү. Гадаад орны татварын газар ямар байдийн бол доо ? За ямар ч байсан очоод л үзэхээс гээд, вэбсайтаар нь орж хаягыг хараад, тэр харсан хаягаараа google-earth ээр дахиж хайгаад хаа байгааг нь олчлоо. Энд ирээд удаагүй болохоор тийшээ ямар автобус явдгийг нь бас мэдэхгүй ээ. Тийм болохоор автобус компанийн вэбсайт руу нь ороод тэр чиглэл явах хэдэн автобусны дугаар оллоо. За энэ ч яахав гол ажилдаа оръё.

Татварын алба руу яваад орлоо.
1. Корридор. Хүлээлгийн танхим руу нь орохын өмнө наад хэсэгт нь нэг жижигхээн корридор байна. Тэр корридорт нь татвартай холбоотой бүхий маягтуудын загварыг ангилал ангилалаар нь үзүүлэнгийн самбарт хийж холбогдох тайлбарыг хийжээ. Нилээн хэдэн том самбар байсан, тэгэхээр олон маягт байдийн байлгүй.

2. Хүлээлгийн танхим. Яваад орсон чинь нэг том өрөө байнаа. Танхимын голд байгаа 2 баганын хажууд хүлээлгийн тасалбар өгдөг машинтай. Энэ машин нь догь эд юмаа! Манай ИБМУТ-д ажиллуулах гэж туршаад байгаа машин шүү дээ. Тэр машинаас ороод дугаар авна. Татварын байцаагч нарын дээр нь нэг жижигхэн электрон самбар дээр дугаар гарна. Тэгээд тэр дугаарыг харж байгаад л дугаараа болохоор очно шүү дээ.
Одоо энэ зурагт харагдаж байгаа дугаар авдаг машин. Дотор нь нэг жижигхэн тоологчтой принтер тэгээд төмөр эсвэл модон хөлтэй эд юм шиг байгаан. Иймэрхүү юмыг ТИС-ийнхэн хийчихнэ дээ. Хийж жаахан бизнес хийвэл тээ.

Үүний давуу тал их юмаа: наад зах нь овооролдож шамбааралдаад байхгүй, урд хойгуураа жихцэлдэн оочирлохгүй. Тайван шиг суугаад, оочиртой бол ганц хоёр ажлаа амжуулаад хүлээж байхад амар.

Тэр цаана байгаа компюьтэр нь олон нийтэд зориулсан эд, сүлжээнд холбоотой! Онлайнаар явуулсан тайлан тооцоогоо үзэх хэрэгтэй бол ашигладагийн юм шиг байгаан. Магадгүй ганц юм харах хэрэг болвол буцаад л ажил руугаа явах шаардлагагүй гэсэн үг.

3. Татварын байцаагч нар: Татварын байцаагч нар шилэн цонхны ард сууж харагдах юм. Танхимд нь цонхны дагуу эгнүүлэн тавьсан хүлээхэд зориулсан сандалнууд байна.


Зурган дээр тэр залуугын толгойн харалдаа дээр нь дөрвөлжин юм харагдаж байгаа. Сайн харвал 536 гэсэн тоо гарчихсан байгаа. Тэгэхээр энэ залуугын дугаар 536 минийх арай болоогүй суугаад хүлээж байхдаа энэ зургийг авсан. Миний урд талд жижиг ширээ, ширээн дээр нь бал байна.

Анзаараад байхнээ, зарим нь хувь хүнтэй холбоотой асуудал, зарим нь компанитай холбоотой асуудал энэ тэрээрээ ангилагдсан цонхнууд юм билээ.

Төгсгөлд нь: Иргэдэд арай илүү, нээлттэй амар санагдсан шүү ! Манайхны яриад сүр болоод байдаг нэг цэгийн үйлчилгээ, түргэн шуурхай үйлчилгээ энэ тэрийг хялбархаан шийдчихсэн санагдсан даа.

Энэ зургийг мэдээж нууцаар дарсан болно. Тийм болохоор аль улсын, аль хотын татварын алба гэдгийг дурдах шаардлагагүй байх.

Read More...